Contos de Ciclobibliotecas: Ponte-areias

O dia 24 de Julho do 2015 voltou a minha ciclobiblioteca sair a rua. Desta volta em Ponte-areias onde pequenxs e grandes disfrutaram dos contos e música da ciclobiblioteca.

De como chegaron as ciclobibliotecas á fraga

Esta é a historia de tres bicicletas aventureiras, do estado libre de Christiania. Tamén soñaban con ser libres, percorrer camiños e atravesar fronteiras en busca de persoas que as levasen.
Por sorte ou destino, deron cun Carballo con Botas; cando as coñeceu reviráronselle as follas de alegría. O plan era evidente, viaxar xuntos e chegar a cantas persoas puidesen levando contos solidarios.
Foi amor a primeira vista, o Carballo inquedo quixo compartir tal descubrimento no pequeno mundo da fraga. De seguida unha muller con nome de flor ofreceuse a facerlle cóxegas ás bicicletas con pinceis de cores, o músico do bosque quixo subir nunha e moitos animais, en especial un, quedaron mudos co acontecemento e pediron participar na aventura.
As biclicletas decidiron chamarse Ciclobibliotecas, estaban cheas de libros chegados de aquí e de alá. E todos os membros do bestiario da fraga fixeron bolsas e maletas para partir nesta viaxe. O Lobiño Garabelos, a Xacia Luviñas e Fondiña tirábanlle do mango ao Paraugas dame Augas. "Apura que xa queda pouco para marchar!".
De alí a poucos días tiveron todo preparado, agora andan a pintar camiños nun mapa, buscando persoas que queiran escoitar. Se ves algunha ciclobiblioteca achégate a ela, chíscalle un ollo e pidelle que por favor te conte un conto. Seguro que ten algún para ti.

Contos de Ciclobibliotecas

Páginas

segunda-feira, 27 de julho de 2015

Ponte-areias

Nenhum comentário:

Alfonsiña e o druida

as tecedoras de soños

a bicicleta de tati Video

a illa das flores Video

podes visitarnos en