Catro ciclocarros cargados con libros sobre medio ambiente percorren prazas e praias, coas animacións educativas dos "Atrapadores de contos", que contan historias sobre o coidado da natureza e o compromiso solidario. Cos beneficios da iniciativa fináncianse a entrega de bicicletas, bici-bibliotecas, mulotecas e bibliotecas en 23 paises de América, Asía e África a través da ongd Bicis pola Paz www.contosolidarios.org Tfno. 648075831
segunda-feira, 14 de setembro de 2009
Novo curso Ciclobibliotecario
Despois de 450 instalacións en parques, prazas, praias, espazos naturais..., de Galicia, O Bierzo e Portugal, dende As Medulas ata as Illas Atlánticas, do Caurel a Illa de Arousa, coa participación de 30.000 nenas e nenos, e, sobre todo coa doazón, grazas ós beneficios das instalacións, de bibliotecas en Perú e Mozambique, mulotecas (libros en mula) na selva de Guatemala, e bicibibliotecas en Bolivia, encetamos un novo percurso das Ciclobibliotecas por Galicia, Portugal, O Bierzo e onde nos queiran chamar. Convidámoste a que acerques a Ciclobiblioteca a tua escola, concello, barrio, parque, praza, lembrándote que cos cartos recibidos, a través dun pequeno alugueiro, imos financiar novos proxectos de bicisolidariedade con máis bibliotecas, mulotecas, bicibibliotecas... solidarias en 23 paises de Amércia, Asía e África. Non dubides en chamarnos ao noso novo teléfono 648075831, ou escribirnos a carballoconbotas@hotmail.com , un "Atrapador de contos" agárdate para ciclobibliotequear con pedaladas solidarias cara o teu mundo.
Assinar:
Postar comentários (Atom)
Nenhum comentário:
Postar um comentário