Esta semana fum a ohar umha esposiçom sobre as missões pedagógicas na II república com a minha filha Viridiana. Encantava-me ver aqueles rostos inocentes de abraio daqueles nenos e nenas e tamém adultos da época. Dáquela o 75% da populaçom no estado espanhol vivia do campo e o 30% eram analfabet@s. Imaxinade-vos a surpresa ao escuitar musica num gramófono ou olhar um filme de Charlot, tamém quando lhe costavam algum conto ou liam algum livro. Para eles todo aquilo era novidade.Tamém era novidade para @s própri@s misioner@s o descubremento daquele mundo.
Ainda hoje podo descubrir esse rosto de inocência e curiosidade em nenos e nenas quando lhes conto umha história. Esses nen@s que vos digos soem ser mais auténticos no seu jeito de comportar-se, na sua forma de falar,na curiosidade que sintem por todo, e incluso despois das sessões, muit@s se achegam timidamente e se param a falar comigo.Isso aconteceu-me hoje em Castrelo do Minho.
Tamém aconteceu-me outra cousa mui bonita, e foi olhar à Viridiana dentro do carrinho da ciclobiblioteca pola beira do rio, e os cans atrás nossa, e ela a rir e a rir com o vento batendo-lhe na cara,já nom se queria baixar de ali.
Nenhum comentário:
Postar um comentário